Hybridbilar missa 70.000 kr. í afturbering

Tey, sum keypa sær ein plug-in hybridbil eftir 1.juli í ár, missa 70.000 kr., sum tey fáa í afturbering úr landskassanum til 1.juli.

Í einari samanbering, sum átta bilasølur hava sent fíggjarnevndini hjá løgtinginum, kostar ein plug-in hybridbilur 395.000 kr., tá afturberingin úr landskassanum er við.

Eftir ætlaðu broytingina í lógini, sum skal koma í gildi 1.juli, verður prísurin 530.000 kr., tí virðisgjaldið hækkar.

So leingi afturberingin er, fær landskassin 118.800 kr.

Men tá hon ikki er longur, fær landskassin 252.600 kr., siga bilasølurnar.

Í yvirlitinum hjá bilasølunum, sum umfatar allar bilar uttan elbilar, er vinningurin hjá bilasølunum úr 30.000 krónum upp í 32.400 krónur fyri hvønn seldan bil.