Vit fáa ongan kostpolitikk í bræði

Tað verður ikki í bræði, at almennu Føroyar fáa kostpolitikk, tí ábyrgdin liggur eisini hjá foreldrunum.

Tað sigur Djóni Nolsøe Joensen, landsstýrismaður í barna- og útbúgvingarmálum, nú Gigni rópar varskó um, at ovurfiti millum børn og ung er ein vaksandi trupulleiki. 

- Foreldur eiga at vera fyrimyndir hjá børnunum, tí er tað ikki neyðturviliga ein politisk ábyrgd at basa ovurfiti millum børn og ung, sigur Djóni Nolsøe Joensen:

Hóast landsstýrismaðurin tekur undir við,  at tað er neyðugt við einari heildarætlan, so eru ongar ætlanir á økinum í løtuni:

Djóni Nolsøe Joensen var gestur í Breddanum fyrrapartin. Øll sendingin kann hoyrast her.