- Tíðindi, mentan og ítróttur
Norsk lodna endar ikki í Russlandi
Norsk lodna endar ikki í Russlandi
Tað vakti ans, at eitt norskt skip, sum landaði lodnu á Tvøroyri, fekk so góðan prís
Norska skipið Birkeland landaði lodnu á Tvøroyri um mánaðarskiftið.
Mynd: Marine Traffic
10.02.2023 - 08:42
Ikki er sannlíkt, at lodna, sum norsk skip landa í Føroyum, endar í Russlandi.
Tað skrivar íslendska Morgunblaðið.
Herfyri skrivaði norska blaðið Fiskeribladet, við norskum reiðara, Sigve Drønen í Birkeland Fiskebåtrederi, sum keldu, at lodna, sum norsk skip fiska við Ísland og landa í Føroyum, kann vera útflutt úr Føroyum til Russlands.
Norska skipið Birkeland landaði lodnu á Tvøroyri um mánaðarskiftið.
Prísurin hjá Varðanum Pelagic vakti ans í Noregi, tí hann var so høgur, skrivaði Fiskeribladet.
Men Morgunblaðið skrivar nú, at sambært Hagstovu Føroya er eingin lodna farin úr Føroyum til Russlands síðani 2015.
Er kopiera
Nýggjastu sendingar í ÚV
Nýggjastu sendingar í SV
