Yvirfriðingarnevndin framvegis ikki tikið støðu

Nevndin skuldi taka støðu til, um avgerðin "IKKI at friða økið framvið Sandá" skal viðgerðast av nýggjum. Á fundinum boðaðu limirnir frá, at teir nú umhugsa at taka støðu í málinum. Við øðrum orðum, so er eingin avgerð tikin enn, sigur Peter Flúgge, skrivari í Yvirfriðingarnevndini, við útvarpið.

Tað var áhugabólkurin Varðveitið fríøkið við Sandá, sum heitti á Yvirfriðingarnevndina um at taka málið um fríøkið við Sandá uppaftur.

Síðani Yvirfriðingarnevndin í oktober 2021 gjørdi úrskurð um ikki at friða økið framvið Sandá, hava lívfrøðingar staðfest, at náttúrumargfeldið í fríøkinum við Sandá er sera stórt, og at lendið er fjøllbroytt.