Forsetin heitir á Netanyahu um at útseta atkvøðugreiðslu

Ísraelski forsetin, Isaac Herzog, heitir á Benjamin Netanyahu, forsætisráðharra, um at útseta atkvøðugreiðsluna um umstríddu broytingarnar í rættarskipanini í landinum.

Ísraelska stjórnin ætlar at geva sær størri vald at tilnevna dómarar, og hon ætlar eisini at gera Hægstarætt veikari.

Tað verður gjørt á tann hátt, at ein vanligur meirluti í tjóðartinginum kann samtykkja lógir, sum Hægstirættur fyrr hevur víst frá sær.

Stórar mótmælisgongur hava verið í sambandi við uppskotið, og tey, sum finnast at, siga, at uppskotið fer at gera demokratiið í Ísrael veikari.

Eftir ætlan verður atkvøtt um uppskotið í dag.