- Tíðindi, mentan og ítróttur
Lutakast um fýra grundstykki á Argjum
Lutakast um fýra grundstykki á Argjum
Stykkini við Klingurstjørn eru latin inn aftur til Tórshavnar kommunu
Stykkini, sum lutakast verður um, eru við Klingurstjørn á Argjum.
Mynd: Tórshavnar kommuna
23.02.2023 - 08:56
Freistin at tekna seg til at vera við í lutakastinum um fýra grundstykki við Klingurstjørn á Argjum er til 27.mars.
Hetta eru stykki, sum eru latin inn aftur til Tórshavnar kommunu.
Talan er um eitt grundstykki í útstykkingini Klingurstjørn 1, tað kostar slakar 600.000 krónur. 595.886 kr.
Hini trý eru í útstykkingini Klingurstjørn 2.
Tey kosta 624.708 kr., 627.408 kr. og 639.802 kr.
Verða fleiri grundstykki við Klingurstjørn latin inn seinni, vera tey eisini við í lutakastinum, sigur Tórshavnar kommuna.
Ikki verður upplýst í hesum sambandi, hvussu stór grundstykkini eru.
Men í serstøku byggisamtyktini fyri økið stendur, at stykkini eru 400 fermetrar.
Er kopiera
Nýggjastu sendingar í ÚV
Nýggjastu sendingar í SV
