Útseta arbeiðið í gamla kirkjugarðinum

Bygdarráðið í Vestmanna hevur samtykt at útseta arbeiðið at umskipa elsta partin í gamla kirkjugarðinum.

Stór óvissa er um arbeiðið, og hon kann hava avleiðingar fyri tíðarfreistina.

Bygdarráðið samtykti í august í fjør at arbeiða víðari við uppskotinum hjá EYA arkitektum um at umbyggja kirkjugarðin við kirkjuna.

Forkanningarnar vístu á nakrar møguligar avbjóðingar við drenlagi og frárensli og møguleikan fyri, at tvey verða jarðað í somu grøv. 

Vestmanna kommuna, Vestmanna

Gera ætlan á Knúgvum

Trivnaðar- og umhvørvisnevndin samtykti at útseta umskipanina av elsta partinum av gamla kirkjugarði. Og tað samtykti bygdarráðið eisini.

Haraftrat hevur bygdarráðið samtykt eina ætlan um kirkjugarðin á Knúgvum.

Tilboð frá Verkfo um projekt og útboð er 250.000 kr.

- Verður einki gjørt, er einki gravpláss eftir um hálvtfjórða ár, segði Bjørg á Rógvi, borgarstjóri í Vestmanna, við Útvarpið í síðstu viku.