Tokvanlukka í Grikkalandi kravt 32 mannalív

Seint í gjárkvøldið hendi ein tokvanlukka í Grikkalandi. Higartil er boðað frá, at 32 fólk eru deyð, og fleiri enn 80 hava fingið skaða.

Vanlukkan hendi, tá ið eitt ferðafólkatok og eitt farmatok stoyttu saman við nógvari ferð tætt við býin Larissa. 

Tokvanlukka í Grikkalandi

Tá ið tokini rendu saman, kom eldur í tveir vognar. Eldurin var tó seinni sløktur.

Jarnbreytafelagið sigur, at umleið 350 fólk vóru í tokinum. 250 av teimum eru bjargað og flutt til Tessalóniku við bussum, skrivar Ritzau.