Nobel-vinnari 10 ára fongsulsdóm

60 ára gamli Bjaljatski fekk heiðurslønina fyri sítt arbeiði fyri mannarættindum í heimlandinum.

Hann varð handtikin í sambandi við mótmælistiltøk í Hvítarusslandi í 2020 og er nú dømdur fyri millum annað at hava fíggjað mótmælisgongur.

ST hevur síðstu dagarnar víst á, at mannarættindini í Hvítarusslandi eru versnað nógv tey seinnu árini.

Sambært ST sita í minsta lagi 1400 politiskir fangar í fongsli í landinum, sum verður stýrt við harðari hond av einaræðisharranum, Aleksandr Lukasjenko.