Avlopskravið hjá Rúsdrekkasøluni skal broytast

Avlopskravið hjá Rúsdrekkasølu landsins skal broytast, men tað skal væntandi ikki takast av.

Tað sigur løgmaður, sum í løtuni umsitur løgmálini í landsstýrinum, við fíggjarnevndina hjá løgtinginum.

Fíggjarnevndin spurdi, um ætlanin er at broyta avlopskravið til avgjaldskrav.

Í samgonguskjalinum stendur, at matstovuvinnan fær loyvi at innflyta vín og øl beinleiðis.

Bryggjarí og brennarí fáa loyvi at selja egna framleiðslu í egnum sølubúðum. 

Tá avlopskravið hjá Rúsdrekkasølu landsins verður broytt, verður neyðugt samstundis at tryggja, at avlopskravið ikki verður kappingaravlagandi í mun til onnur, sum innflyta og  selja egna framleiðslu, sigur Aksel V. Johannesen, løgmaður. 

Avlopskravið er 18,6 mió. kr. Tað er tað eisini í uppskotinum um fíggjarlóg fyri 2023.