Viðingar fáa nýggjan dagstovn

Sum er, verða 36 børn ansað á Viðareiði, men nýggi stovnurin skal hava pláss fyri 48 børnum, og eisini skal bera at byggja hann út í framtíðini.

- Ætlanin við dagstovninum er ikki nakað nýtt mál, men hevur verið viðgjørt undan hesum bygdarráðnum, sigur Marita Sumberg, borgarstjóri á Viðareiði.

Hon heldur, at tað fer at økja um áhugan fyri at búseta seg á Viðareiði, tá ið tunlarnir Norður um fjall eru lidnir, tí mong ferðast av bygdini hvønn dag.

Nýggjur dagstovnur á Viðareiði

- Nógv ferðast til Klaksvíkar til arbeiðis, og tá ið viðingar samstundis fegnir vilja búgva í heimbygdini, fer hetta at geva enn fleiri møguleikar.

Tí er næst á skránni hjá bygdarráðnum á Viðareiði at fáa til vega fleiri grundstykki, so tað skal bera til hjá enn fleiri at seta búgv í bygdini, ið hevur ivaleyst av góðum byggilendi.

Nýggjur dagstovnur á Viðareiði