Leigubilar fingu yvir 50 milliónir aftur

Frádrátturin fyri leiguakfør, sum eru seld av landinum, í útgangandi avgjaldinum var 50 milliónir og 580.000 kr. seinastu trý árini.

Talan er um 843 akfør.

Tey, sum selja av landinum, fáa í mesta lagi 60.000 kr. aftur sambært lógini um meirvirðisgjald.

Í Føroyum vóru skrásett 530 leiguakfør í 2021, 721 í 2022 og 702 í fjør.

Ruth Vang, landsstýriskvinna, hevur svarað Kim Durhuus, løgtingsmanni, sum spurdi, hvussu nógv, fólk fáa aftur av meirvirðisgjaldinum og virðisgjaldinum, tá tey selja bilar av landinum.

Ikki avgjørt

Hon sigur, at fyrstu ferð leigubilur verður skrásettur, verður meirvirðisgjaldið endurrindað eins og fyri aðrar bilar, sum eru keyptir til vinnuligt endamál. 

TAKS hevur ikki tøl um hesa endurrindan, tí talan er ikki um nakra serstaka uppgerð.

Ruth Vang sigur, at samgongan hevur sett sær fyri at endurskoða undantøkini í mvg-lógini eins og onnur almenn avgjøld. 

Enn er tó ikki avgjørt, um reglurnar um leigubilar vera við í hesi enduskoðanini, sigur Ruth Vang.