- Tíðindi, mentan og ítróttur
Tríggjar viðmerkingar um byggiloyvi til Varðan
Tríggjar viðmerkingar um byggiloyvi til Varðan
Viðmerkingarnar skulu fyrst viðgerast í umsitingini hjá Tvøroyrar býráð, áðrenn tær fara í nevnd og fyri býráðið
Skorsteinurin á virkinum verður 60 metrar høgur, og tá talan er um so høga bygging, skal almenn hoyring vera. (Savnsmynd)
23.01.2024 - 09:13
Tvøroyar býráð fekk tríggjar viðmerkingar um ætlanina at geva Varðanum Pelagic byggiloyvi til protein- og lýsiverksmiðju.
Teirra millum er eitt broytingaruppskot.
Freistin at koma við viðmerkingum var úti seinnapartin í gjár.
Talan er um skorstein, sum er 60 metrar høgur, og goymslubrunnar, sum eru 20 metrar høgir.
Tá loyvi skal gevast til so høga bygging, skal almenn hoyring vera.
Viðmerkingarnar skulu fyrst viðgerast í umsitingini hjá býráðnum.
Síðani skal málið í vinnu- og havnanevndina, og haðani fer tað í býráðið.
Er kopiera
Nýggjastu sendingar í ÚV
Nýggjastu sendingar í SV
