Trump vann eisini í New Hampshire

Tað gongur væl hjá Donald Trump, fyrrverandi forseta, á uppstillingarvalunum hjá republikanska flokkinum undan amerikanska forsetavalinum, sum verður í november.

Í gjár og í nátt var annað uppstillingarvalið, og tað var í statinum, New Hampshire. Og sigurin fór til Donald Trump.

Fyrsta uppstillingarvalið var  í Iowa 15. januar.

Umframt at vinna í hesum statunum, hevur Trump nú vunnið á sínum størstu kappingarneytum í teimum statunum, har kappingarneytarnir ætlaðu at vinna.

Nikki Haley

Nikki Haley tapti í New Hamphire, men heldur fram í valstríðnum. (Mynd: AFP/Ritzau Scanpix)

Heldur fram

Nikki Haley og hennara stuðlar hava brúkt umleið 210 milliónir kr. til lýsingarherferðir í New Hampshire, men kortini tapti hon í gjár.

Nikki Haley hevur boðað frá, at hon heldur fram í kappingini at gerast republikanskt forsetavalevni, hóast møguleikarnir tykjast smáir.

Ron DeSantis legði somuleiðis alla sína orku í at vinna statin Iowa, men tapti eisini fyri Donald Trump. Hann tók seg úr valstríðnum eina viku seinni.

Trump er sostatt fyrsti republikanari, ið ikki er sitandi forseti, sum vinnur bæði í Iowa og New Hampshire.  

Regin Berg

Regin Berg, stjórnmálafrøðingur.

Trump og Biden

Regin Berg, stjórnmálafrøðingur, heldur, at sum støðan er í løtuni, er rættiliga sannlíkt, at tað vera Donald Trump og Joe Biden, sum fara at kappast um forsetasessin í heyst. Hann sigur soleiðis um støðuna hjá Donald Trump, nú tvey uppstillingarval hava verið: