Arbeiðsloysið minni enn eitt prosent í fjør

Arbeiðsloysið fór ikki upp um eitt prosent í fjør.

Tað var 0,9 prosent í januar, men síðani var tað 0,7 og 0,8 prosent.

Í juni var arbeiðsloysið heilt niðri á 0,6 prosentum.

Í desember var arbeiðsloysið 0,8 prosent.

Tá vóru 245 fólk fulltíðararbeiðsleys.

Fleiri menn arbeiðsleysir

Fleiri menn enn kvinnur hava einki arbeiði.

Í dag eru 233 fólk skrásett hjá ALS, 87 kvinnur og 146 menn.

620 fáa fiskavirkisstuðul, 315 kvinnur og 305 menn.

Í fiskivirkisskipanini eru 997 fólk tilmeldað.