- Tíðindi, mentan og ítróttur
Stríðsval um forfólkasessin í Pedagogfelagnum
Stríðsval verður um forfólkasessin í Pedagogfelagnum.
Sanna á Løgmansbø, leiðari á dagstovninum Birkilund í Havn, bjóðar Jógvani Philbrow av.
Jógvan Philbrow hevur verið formaður í Pedagogfelagnum seinastu níggju árini, og hann stillar uppaftur.
Jógvan Philbrow hevur verið formaður í Pedagogfelagnum í níggju ár.
Tríggir nevndarsessir standa eisini fyri vali, og nógv bjóða seg fram.
Annika Østerø hevur boðað frá, at hon stillar ikki uppaftur, men Nikkil Heinesen og Harald Joensen stilla uppaftur.
Fýra onnur valevnini eru eisini. Tey eru Beinta Klakstein, Dagnhild Magnussen Bertelsen, Katrin Helgadóttir og Sæbjørn Johannesen.
Val eru eisini til tey trý ráðini í Pedagogfelagnum, Námsfrøðingaráðið, Leiðararáðið og Hjálparfólkaráðið.
Øll valini hjá Pedagogfelagnum eru talgild.
Atkvøðugreiðslan byrjar 14. februar og endar á middegi 1. mars, dagin fyri aðalfundin, sum verður 2. mars