Treystitalið: Vinnan minni bjartskygd

Føroyska vinnan er ikki so bjartskygd, sum hon hevur verið.

Treystitalið er nú minus 1, sum er langt niðan fyri langtíðarmiðaltalið, sum er 17. 

Tað er serliga treystið í handils- og tænastuvinnunum, sum minkar, skrivar Hagstovan.

Men byggivinnan hevur framvegis góðar vónir.  Størsta avbjóðingin hjá henni er tó trotið á arbeiðsmegi. 

Annað hvørt byggifelag sigur, at hetta trotið er størsta framleiðsluavmarkingin. 

Húsarhaldini vænta fíggjarligu støðuna at vera eitt lítið vet betri komandi árið.

Men tey vænta sær hóast tað ikki at gera størri keyp, til dømis keypa hús ella bil.

Fólk vænta, at prísirnir fara at hækka spakuligari komandi árið, enn teir gjørdu seinasta árið.