350 fleiri løntakarar í januar

27.644 løntakarar vóru í Føroyum í januar, 1,3 prosent fleiri enn í januar í fjør.

Í januar eru annars vanliga færri løntakarar enn í hinum mánaðunum.

Desember plagar at hava flestar.

Í januar í ár vóru stívlíga 350 fleiri løntakarar enn í januar í fjør.

14.000 menn og 13.600 kvinnur eru løntakarar.

Færri løntakarar eru í fiskivinnuni, men fleiri eru í hinum vinnunum.

Lutfallið minkað

Lutfallið hjá útlendskum ríkisborgarum er minkað 0,7 prosentstig niður í 6,9 prosent frá desember til januar. 

Men samanborið við januar í fjør er teirra partur tó 0,4 prosentstig størri.

Flestu útlendsku løntakarar hava annan enn evropeiskan ríkisborgaraskap. 

Útlendskir ríkisborgarar arbeiða í fiskavøruídnaði, gistihúsum og á matstovum, ali- og kryvjivirkjum og í húsarhaldstænastum.