Søguliga lítil valluttøka í Iran

Met fá fólk vóru á vali um vikuskiftið, har nýtt tjóðarting og limir í prestastýrið skuldu veljast. 

Bara 41 prosent av teimum, sum hava atkvøðurætt vóru á vali, upplýsir iranska innanríkisráðið. 

Hetta er søguliga vánaligasta valluttøka, síðani islamsku kollveltingina í 1979. 

Tey konservativu vunnu

Á valinum í 2020 vóru 42,5 prosent á vali, og í 2016 vóru 62 prosent.

Konservativu valevnini vunnu valið í ár. 

Vánaliga vallutøkan kann fáa avleiðingar fyri skipanina í Iran, skrivar iranska blaðið Ham Mihan.

Stjórnarvinarliga blaðið Iran Daily skrivar, at myndugleikarnir mugu taka lítla áhugan fyri valinum sum eitt ávaringarskot. 

Og sambært blaðnum, Etemad, atkvøddu nógvir veljarar blankt.