Oyggjatíðindi strikað í partafelagsskránni

Smápartafelagið Oyggjatíðindi var mánadagin strikað í partafelagsskránni.

Tað var gjørt eftir ásetingini í vinnufelagslógini, sum sigur, at øll skuld hjá felagnum er rindað og avgjørt er at avtaka felagið.

Blaðið Oyggjatíðindi kom út fyri seinastu ferð 8. september í 2011.

Tað byrjaði í november 1977.

Heimasíðan hjá blaðnum var virkin til á sumri 2022. Hon er tó framvegis opin, so til ber at leita á henni.