Fleiri enn 30.000 palestinar deyðir í Gasa

Fleiri enn 30.000 palestinar eru dripnir í Gasa.

Og fleiri enn 70.000 eru løstaðir, síðani Ísrael 7. oktober byrjaði síni hernaðarligu álop á Gasa.

Tað siga heilsumyndugleikarnir í Gasa, har Hamas hevur valdið, sambært Reuters.

Kríggið í Gasa brast á, eftir at Hamas 7. oktober framdi yvirgangsálop í Ísrael, har okkurt um 1200 ísraelar og útlendingar vóru dripnir. Fleiri enn 200 ísrelskir gíslar vóru eisini tiknir til fanga.

Í minsta lagi 29 palestinar lótu lív í gjár í tveimum ymiskum ísrealskum álopum á fólk, sum bíðaðu eftir neyðhjálp í Gasageiranum, siga myndugleikarnir í Gasa.

Hesum hevur Ísrael víst aftur.