Blinken aftur til Miðeysturs

Amerikanski uttanríkisráðharrin, Antony Blinken, fer í hesi vikuni til Saudiarabia og Egyptalands at tosa um vápnahvíld og neyðhjálp til Gasageiran.

Í morgin fer hann hitta leiðarar í Saudiarabia, og hósdagin fer hann til Kairo at tosa við egyptiskar myndugleikar.

Endamálið við ferðini til Miðeysturs er at kjakast um royndina at fáa í lag vápnahvíld fyri Gasageiran, og at fáa meira neyðhjálp inn í økið.

Tað segði talsfólkið hjá Blinken, Matthew Miller, í sambandi við vitjanina hjá Blinken í Filipsoyggjum í morgun okkara tíð.

Blinken hevur vitjað í Miðeystri fleiri ferðir eftir Hamas-álopið 7. oktober í fjør.