Ísrael tekur samráðingarfólk heim

Ísrael hevur boðsent friðarsemingsfólkum sínum í Katar um at koma heim.

Tað skrivar enska dagblaðið, The Guardian.

Orsøkin er, at Ísrael heldur tað vera til fánýtis at halda fram við samráðingunum um vápnahvíld í Gasa, tá ið “einki longur er at tosa við hin partin um”.

Boðini komu dagin eftir, at ST-trygdarráðið hevði samtykt eina yvirlýsing, ið mælir til vápnahvíld alt fyri eitt.

Ísraelski forsætisráðharrin, Benjamin Netanyahu, skírir ST-yvirlýsingina “skaðiliga” og sigur, at Hamas-yvirgangsfelagsskapurin “ikki hevur víst nakran áhuga fyri at halda fram við tingingunum”.