Royna nú at stytta bíðlistarnar í Sjúkrahúsverkinum

- Tað hevur stóran týdning at stytta bíðilistarnar, sum eru í Sjúkrahúsverkinum. Málið er ikki at hava bíðilistar yvirhøvur, og øll sjúkrahúsini, sum eru í Sjúkrahúsverkinum, eiga at gera sítt fyri at røkka hesum málinum. 

Tað sigur Margit Stórá, landsstýriskvinna í heilsumálum, sum hevur svarað Kaj Leo Holm Johannesen, løgtingsmanni, ið spurdi um málið:

Margit Stórá

Margit Stórá, landsstýriskvinna í heilsumálum. (Savnsmynd)

Í løtuni standa 285 á bíðilista til barna- og ungdómspsykiatriina, meðan 540 vaksin standa á bíðilista til vaksnapsykiatriina fyri ADHD. 

Góðar fýra milliónir kr. eru settar til endamálið, og tað hevur eydnast at stytta bíðitíðina til barnapsykiatriina úr 24 mánaðum niður í 17 mánaðir.