Eingin doyði í ferðsluni í fjør

Eingin doyði í ferðsluni í Føroyum í fjør.

Í 2020 og 2018 doyði heldur eingin.

Men annars skulu vit heilt aftur til 1967 fyri at finna eitt ár, har eingin doyði í ferðsluvanlukku, skrivar Ráðið fyri ferðslutrygd í ársfrágreiðingini fyri 2023.

292 fólk deyð síðani 1928

292 fólk eru deyð í ferðsluni, síðani fyrsta ferðsluvanlukkan var í 1928.

Í fjør vóru skrásett 30 ferðsluóhapp, sum elvdu til fólkaskaða. Tað vóru trý færri enn í 2022.

Samanborið við málið í ferðslutrygdarætlanini er tað ikki í lagi, sigur Ráðið fyri ferðslutrygd.

0-hugsjónin er, at eingin skal doyggja ella fáa varandi mein í ferðsluni.