Føroyar eru í niðasta styrkisbólki

Tá lutakast verður um EM-endaspælið í hondbólti við kvinnum, verða Føroyar við fyri fyrstu ferð.

Tað var greitt eftir tapið fyri Íslandi í Hafnarfirði sunnudagin, har føroyingar kortini tryggjaðu sær seinasta EM-plássið 10 mál frammanfyri Grikkaland.

Lutakastið verður í eysturríkska høvuðsstaðnum, Wien, 18. apríl, og Føroyar verða í fjórða og niðasta styrkisbólki. Hetta merkir, at føroysku kvinnurnar skulu spæla ímóti londum úr styrkisbólki 1, 2 og 3.

foroyar_lutakast.png

24 lond kappast í endaspælinum, sum verður í Eysturríki, Sveis og Ungarn frá 28. november til 15. desember í ár.

Teir fýra vertsbýirnir eru Debrecen, Basel, Innsbruck og Wien, har finaluumfarið verður spælt.