Bygningurin fingið stóran skaða, men ikki vørurnar

Bygningurin hjá Faroe Ship á havnarlagnum í Havn hevur fingið stóran skaða, eftir at eldur kom í hann seinnapartin í gjár.

Tað sigur Bogi P. Nielsen, stjóri í Faroe Ship. Hann fegnast tó um, at vørurnar, sum standa í bygninginum, tykjast ikki athava fingið nakran skaða.

Orsøkin til eldsbrunan er ikki endaliga staðfest enn, men hildið verður, at tað var í sambandi við arbeiðið millum tveir samanbygdar bygningar, at eldurin kyknaði.

Bogi P. Nielsen

Bogi P. Nielsen er stjóri í Faroe Ship. Á myndini sæst eisini, at eldur hevur verið millum skins og hold í goymslubygninginum. (Mynd: Kári Mikkelsen)

Stjórin í Faroe Ship sigur, at tað fer at taka nakrar mánaðir at umvæla goymlsubygningin, men vørukundarnir verða ikki nervaðir.

Hoyr samrøðu við Boga P. Nielsen her:

Tummas Pauli av Reyni, átaksleiðari hjá sløkkiliðnum í Havn, sigur, at eldurin var endaliga sløktur klokkan 18.45 í gjárkvøldið. 

Politiið kannar í løtuni, hví eldur kom í.