Løgtingið skal viðgera nógvar milliardir og milliónir í dag

Pengar eru á skránni hjá løgtinginum í dag.

Uppskotið um játtanarkarmar og uppskotið um eykajáttanarlóg hava fyrstu viðgerð.

Fíggjarmálaráðið væntar, at fíggjarlógin næsta ár fer at hava 12,6 milliónir krónur í halli, eftir at átøk eru sett í verk.

Tað sigur uppskotið til samtyktar um játtanarkarmar fyri 2025.

Útreiðslukarmurin verður sjey milliardir og 537 milliónir kr. Framskrivaðu inntøkurnar verða sjey milliardir og 546 milliónir kr.

Raksturin í 2025 verður mettur at kosta slakar sjey milliardir kr.

600 milliónir fara til íløgur.

Uppskotið um eykajáttan hevur slakar 30 milliónir í rakstrarhalli.

Tingfundurin byrjar longu klokkan hálvgum tíggju.