Seks fólk stungin til deyðis í Sidney

Seks fólk doyðu, eftir at ein maður í australska býnum Sidney leyp á fólk við knívi í einum sølumiðstøð har. Maðurin varð skotin av løgregluni og doyði stutt eftir.

Fleiri eru álvarsliga særd og flutt á sjúkrahús, millum annað eitt lítið barn, skrivar DR.

Tað er enn ógreitt hví maðurin brádliga leyp á heilt tilvildarliga fólk í sølumiðstøðini
Maðurin fór inn á sølumiðstøðina Bondi Junction Westfield klokkan trý seinnapartin australska tíð, tá sum flest fólk vóru har.

Hann fór so útaftur, men vendi aftur fimtan minuttir seinni og stakk eini níggju fólk við knívi. Løgreglan kom skjótt á staðið og flutti øll fólk burtur og stutt eftir skjeyt løgreglan mannin.