Ísland vertur fyri HM í manshondbólti í 2031

Ísland vertur fyri HM í manshondbólti í 2031
Ísland verður vertur fyri HM í manshondbólti í 2031 saman við Danmark og Norra, hevur altjóða hondbóltssamgongan gjørt av
Ísland verður ein av vertunum fyri HM í manshondbólti í 2031
Mynd: mbl.is  
 
16.04.2024 - 14:14

Fyri fyrstu ferð síðan 1995 verður Ísland vertur fyri HM í manshondbólti.

Ísland skal hýsa endaspælinum í 2031 saman við Danmark og Norra, hevur altjóða hondbóltssamgongan, IHF, gjørt av í dag.

Tveir innleiðandi bólkar og eitt miðumfar skulu spælast í bæði Íslandi og Norra, meðan Danmark skal hýsa fýra innleiðandi bólkum, tveimum miðumførum og øllum dystunum í endaspælinum.

 - Hetta samstarvið fer ikki bert at menna íslendskan hondbólt, men eisini at vísa, at minni lond megna at hýsa stórum altjóða kappingum ígjøgnum samstarv, segði Guðmundur B. Ólafsson, formaður í íslendska hondbóltssambandinum, sambært IHF.

Í Danmark eru tey glað fyri at hava fingið enn eitt endaspæl, men fegnast serliga um, at Ísland aftur verður vertur.

 - Vit vita av royndum, hvussu nógv eitt endaspæl kann merkja fyri menningina av hondbólti í vertslondunum. Tí merkir tað nógv fyri meg, at vit saman við Norra kunnu verða við til at tryggja, at eitt lítið land, men ein stór hondbóltstjóð, sum Ísland fær møguleikan, segði formaðurin í danska hondbóltssambandinum, Morten Stig Christensen, sambært danskhaandbold.dk.

 

Altjóða hondbóltssambandið kunngjørdi vertslondini fyri í alt fýra endaspøl:

HM í kvinnuhondbólti 2029: Spania
HM í manshondbólti 2029: Frakland og Týskland
HM í kvinnuhondbólti 2031: Kekkia og Pólland
HM í manshondbólti 2031: Danmark, Norra og Ísland

Er kopiera
Nýggjastu sendingar í ÚV
Mánadag 27. mai
Norðurljóð 27.mai 2024
175665
Mánadag 27. mai
Hákan valdi Páll...
175653
Mánadag 27. mai
Morgunlestur mánadagur 27. mai 2024
175632
Sunnudag 26. mai
Bolero - 26. mai 2024
175611
Nýggjastu sendingar í SV