Hava ikki umstøður til fleiri flóttafólk, sigur tingmaður

Tað er ikki nóg mikið bara at taka flóttafólk til Føroya.

Vit mugu eisini hava okkurt at bjóða teimum, til dømis bústað, arbeiði og undirvísing.

Og tað hava vit ikki.

Helgi Abrahamsen, løgtingsmaður, kennir seg ikki sannførdan um, at tað er rætt at taka at taka fleiri flóttafólk.

Rættarnevndin hjá løgtinginum hevur skrivað álit um uppskotið hjá Løgmálaráðnum um at taka 50 flóttafólk aftrat úr Ukraina.

Hini í nevndini taka undir við uppskotinum.

Fyri tveimum árum var samtykt at taka 200 flóttafólk úr Ukraina.

Markið er rokkið

Meirilutin í rættarnevndini sigur, at hetta markið er rokkið. 

Tí ber ikki til at lata fleiri uppihaldsloyvi til flóttafólk úr Ukraina.

Helgi Abrahamsen sigur, at striltið hevur verið at finna øllum flóttafólkunum innivist.

Aðrar avbjóðingar eru eisini. 

Hann sigur, at stívliga 40 fólk eru farin av landinum aftur.

23 búgva í móttøkuhúsum.