Fosturtøka viðgjørd í dag og mánadagin

Fosturtøka viðgjørd í dag og mánadagin
Rættarnevndin hevur kallað nógv fólk og nógvar felagsskapir á fund fyri at hoyra teirra sjónarmið
Rættarnevndin viðger uppskotini um fosturtøku í dag og mánadagin.
 
24.04.2024 - 06:28

Hóast rættarnevndin hjá løgtinginum hevur havt uppskotini um fosturtøku nú í meira enn ein mánað, eru eingi álit komin haðani enn.

Nevndir skulu koma við áliti í seinasta lagi ein mánað eftir, at tær fingu málið, stendur í tingskipanini.

Tann mánaðin var farin 21. apríl viðvíkjandi uppskotinum hjá Løgmálaráðnum um at broyta fosturtøkulógina og 20. apríl hjá uppskoti Miðfloksins um ófødda barnið.

Men løgtingsforfólkið kann leingja frestina, um nevndin biður um tað.

Løgtingsfundur var 18. apríl, og næsti løgtingsfundur er 30. apríl.

Nógvar innkallingar

Og rættarnevndin fer at viðgera fosturtøkuna í dag og mánadagin.

Nógvar innkallingar eru.

Fyrrapartin í dag hava Mammuhjálpin, Føroya pro vita, Frítt val, MEGD, Læknafelagið, Felagið føroyskir sjúkrarøktarfrøðingar, Etiska ráðið og Javnstøðunevndin fingið fundarboð.

Og mánadagin hava fimm landsstýrisfólk fingið boð um at koma á fund hjá rættarnevndini um fosturtøku.

Eingin innkalling í sambandi við fosturtøkumálið er gjørd sambært fundarskránni fyri fundin hjá nevndini fyri 30. apríl.

Er kopiera
Nýggjastu sendingar í ÚV
Sunnudag 19. mai
Bolero - Hvítusunna
175301
Sunnudag 19. mai
Guðstænasta í Gøtu kirkju.
175298
Sunnudag 19. mai
Kórstevnan 2024 (2:2)
175262
Sunnudag 19. mai
Kórstevnan 2024 (1:2)
175261
Nýggjastu sendingar í SV
Mánadag 20. mai
Andakt við Jógvani Zachariassen
175305
Mánadag 20. mai
Andakt við Derhardi Jógvansson
175303
Sunnudag 19. mai
Guðstænasta úr Gøtu kirkju
175297
Leygardag 18. mai
Dagur og vika - teknmálstulkað
175283