Teitur Lassen nýggjan sáttmála við Edition Wilhelm Hansen

Teitur Lassen hevur gjørt sáttmála við Edition Wilhelm Hansen, ið er partur av altjóða forlagnum Wise Music Group. Talan er um størsta forlag í norðanlondum, ið varð stovnað í 1857.

Sáttmálin fevnir um allan tónleik hjá Teituri, ið fevnir um yvir 500 sangir og útgávur. 

Edition Wilhelm Hansen skal taka sær av fyrisiting, útbreiðslu, og eftirlit av gomlum verkum, umframt at festa nýggj verk á nótar. Tað skrivar Teitur í tíðindaskrivi. 

”Eg gleði meg at hava fleiri á mínum liði og vera ein partur av einum forlagi, ið bæði er dygdarliga og søguliga rótfest, men samstundis er samtíðarligt og ikki gongur so høgt upp í tónleikagreinar, men heldur setur skapanarhugan fremst,” sigur Teitur Lassen. 

Teitur undirskrivaði sáttmálan saman við umboðsmanni sínum gjøgnum skjótt 25 ár, Christian Ulf Hansen, og forstjóranum í Edition Wilhelm Hansen, Loui Törnqvist.