Færri fiskidagar á Føroyabanka í ár

Línuskip og útróðrarbátar sleppa at royna á Føroyabanka aftur í ár.

Dennis Holm, landsstýrismaður, hevur sent uppskot um kunngerð um tíðaravmarkaða serskipan fyri botnfiskaveiðu á Føroyabanka til hoyringar.

Fiskidagatalið er farið úr 330 í fjør niður í 270.

Havstovan mælir til 150 dagar.

Teir 270 fiskidagarnir vera býttir øðrvísi millum bólkarnar í ár. 

Útróðrarbátarnir fáa fleiri dagar, línuskipini fáa færri.

Fiskivinnuráðið heldur ikki, at 270 dagar í staðin fyri 150 gera, at veiðitrýstið á bankanum verður størri.

Les uppskot um kunngerðina her.