Nýtt á KVF Sjón: Ymisk og tó - ein øðrvísi andakt

"Vit hildu, at tað kundi verið áhugavert at víst menniskjað aftanfyri andaktina," greiðir Armgarð Arge, ið samskipar átrúnaðarliga økið í Kringvarpinum, frá. 

Sum tann gløggi hyggjarin hevur lagt til merkis, so er gamla andaktin skift út við eina nýggja røð, ið hevur fingið heitið "Ymiskt og tó". 

"Hetta er ein roynd at gera nakað eyka burtur úr andaktunum til allar hátíðirnar, og har farið verður runt til ymsu prestagarðarnar at hitta prest, men eisini út at vitja samkomuleiðarar og samkomur." 

Hvítusunnudag og annan hvítusunnudag vera tveir nýggir partar í røðini "Ymisk og tó".

Hvítusunnudag er Armgarð Arge á vitjan hjá Derhardi Jógvanssyni, presti,

Annan hvítusunnudag er Armgarð á gátt hjá Jógvani Zachariassen, pastori. 

Hvat: Ymisk og tó
Hvar: í sjónvarpinum og á KVF Sjón
Nær: Hvítusunnudag kl. 19.35, og annan hvítusunnudag kl. 19.30