Flyta fólk burtur undan roykinum við Norðskála

So nógvur roykur stóðst av eldinum í sethúsunum við Norðskála seinnapartin, at neyðugt hevur verið at flyta fólk burtur, upplýsir løgreglan.

Fólk í grannahúsum og handlum eru flutt burtur eins og í skúlanum við Streymin. 

Foreldur at børnum í dagstovninum á Oyrarbakka hava fingið boð um at koma eftir børnunum og fáa tey kannað fyri roykeitran.

Boðað var frá eldi í sethúsunum við Norðskála tíðliga seinnapartin. Húsini hava fingið stóran skaða, og sløkkiliðini eru farin at eftirsløkkja.

Eitt fólk er flutt á sjúkrahús.

Hoyr samrøðu, sum Emil Lisberg Jacobsen gjørdi við Jóannes Østerø, átaksleiðara hjá løgregluni, í útvarpstíðindunum:

Myndir: Kjartan Madsen

Eldur við Norðskála

Eldur við Norðskála

Eldur við Norðskáa