Limatalið í fólkakirkjuni stendur í stað

Í prosentum minkar limatalið alsamt.

Men annars stendur tað nøkunlunda í stað hjá fólkakirkjuni.

76,6 prosent av fólkatalinum eru limir í fólkakirkjuni. Talið var 77,1 prosent í fjør.

Í 2001 var talið 84,3 prosent, men tað er støðugt minkað síðani.

Flest í Norðstreymoyar eystara prestagjaldi

Í prosentum hevur fólkakirkjan flestar limir í Norðstreymoyar eystara prestagjaldi. Har eru 89,73 prosent í fólkakirkjuni, skrivar Hagstovan. Í Norðoya vestara prestagjaldi eru 60,34 prosent fólkakirkjulimir.

Men sjálvt limatalið minkar lítið og einki.

41.705 fólk eru limir í fólkakirkjuni. Tey vóru 41.712 í fjør og 41.810 í 2022.

61 kirkjur og trý bønhús, og 27 prestar eru í Føroyum.