Forða aftur Bygdaleiðum at koyra

Stríðið um, hvørt Bygdaleiðir skulu koyra ella ikki, meðan verkfallið er, stendur við. 

Í gjár boðaði Strandferðslan frá, at leið 400, 401 og 410 fóru at koyra í dag. Tað eru leiðirnar millum Havnina, Klaksvík og Fuglafjørð. 

Men fyri løtu síðani noyddist Strandferðslan at boða frá, at hesar leiðirnar kortini ikki verða koyrdar - vegna forðingar, sum tikið verður til.

Allar leiðir hjá Bygdaleiðum eru útveittar til privatar fyritøkur, sum koyra fyri Strandferðsluna.

Á heimasíðuni hjá Strandferðsluni sæst, at flestu leiðir hjá Bygdaleiðum eru raktar av verkfallinum.