Vil hava fleiri og betur løntar býráðslimir

Tórshavnar býráð fer í dag viðgera eitt uppskot um at hava fleiri fólk í býráðnum.

Annfinn Brekkstein, varaborgarstjóri, eigur uppskotið.

Uppskotið er at hava 15 býráðslimir. Teir eru 13 nú, og tað hava teir verið síðani 1972.

Tá var fólkatakið í kommununi 10.747. Tá vóru 827 fólk fyri hvønn býráðslim.

1548 fólk fyri hvønn býráðslim

1. januar vóru 23.228 fólk í kommununi, 1787 fólk fyri hvønn býráðslim, sigur Annfinn Brekkstein.

Hann sigur, at vera býráðslimirnir 15, vera 1548 fólk fyri hvønn býráðslim. 

Sambært kommunustýrislógini kunnu í mesta lagi vera 17 fólk í kommunustýri.

Annfinn Brekkstein heldur eisini, at samsýningarnar til býráðslimir eiga at vera broyttar fyri at fáa breiða fólksliga umboðan, fyri at fáa fleiri at stilla upp.

Mínar drúgvu royndir eru, at fólk aftra seg, tí tey missa alt ov stórar inntøkur, sigur Annfinn Brekkstein.