Handverkarar taka støðu í næstu viku

Tað verður ikki fyrr enn í næstu viku, at limafeløgini í Føroya Handverkarafelag fara at taka støðu til, um tey skulu stuðla arbeiðarafeløgunum í verkfalli.

Aðalfundur skuldi vera í Føroya Handverkarafelag í morgin, men fundurin er fyribils útsettur, sigur Suni Simonsen, formaður. Aðalfundurin skuldi vera á Hotel Vágum, men sambært formanninum er verkfallið orsøk til, at fundurin ikki kann haldast. 

Á aðalfundinum hesaferð skuldu limirnir taka støðu til, um og í hvønn mun felagið skal stuðla arbeiðarafeløgunum í teirra verkfalli:

-Vit taka eina endaliga støðu, fyrrapartin í næstu viku, sigur Suni Simonsen.

Limafeløgini í Føroya Handverkarafelag eru Klaksvíkar- , Norðstreymoyar-, Vestmanna-, Vága-, Fuglafjarðar - og Nes Sóknar Handverkarafelag, umframt Føroya Flogteknikarafelag.

Hini handverkarafeløgini eru limir í Landsfelag Handverkaranna. Tey eru Havnar-, Skála-, Vágs- og Tvøroyrar Handverkarafelag, umframt Grafiska Yrkisfelagið.

Hoyr samrøðu við Suna Simonsen: