Johnny í Grótinum: Lurta ikki nóg væl eftir serfrøðini

"Royndirnar siga tíverri, at tað ikki verður lurtað eftir, tá serfrøðinganevndir og búskaparráð og onnur koma við fakligum innsparkum."

Tað sigur Johnny í Grótinum, sum er nýggjur formaður í Búskaparráðnum.

Hann leggur tó afturat, at tað ikki eru serfrøðingar, sum skulu ráða í landinum, men teir eiga at koma við hyggjuráðum og greiningum av avleiðingum, og so er tað upp til politikararnar at taka avgerðirnar.

Johnny í Grótinum nevnir Suðuroyartunnilin, grøna orkuskiftið og fíggjarpolitiska haldførið sum nøkur stór evni, sum Búskaparráðið helst fer at viðgera næstu árini.

Í 2005 bleiv Johnny í Grótinum, sum tá var 29 ára gamal, fyrstu ferð formaður í Búskaparráðnum. Summar av uppgávunum eru framvegis tær somu, men ein stórur munur á tá og nú er, at hagtalsliga grundarlagið nú er nógv betri.

Johnny í Grótinum og Jan Otto Holm halda fram frá undanfarna Búskaparráði, og nýggj í ráðnum eru Hans Ellefsen, Marjun Weihe Thomassen og Anja Rein. Úr ráðnum eru farin Fróði Magnussen, sum hevur verið formaður seinastu trý árini, og Sanna Laksá og Helena Andreasen.

Hoyrið samrøðu við Johnny í Grótinum her: