Avgerð um kongsvitjan ein av næstu døgunum

Avgerð um kongsvitjan ein av næstu døgunum
Verður ongin loysn á verkfallinum miðskeiðis í vikuni, verður vitjanin av ongum, sigur løgmaður
 
02.06.2024 - 18:13

Tað er nú góð hálvonnur vika til Fríðrikur kongur og Mary drotning eftir ætlan skulu á fyrstu almennu vitjanina í Føroyum sum kongshjún.

Men verkfallið ger, at ivamál eru um vitjanina.

Aksel V. Johannesen, løgmaður, sigur í stuttari viðmerking við Kringvarpið í dag, at tey fylgja gongdini við verkfallinum, men er onki hent við verkfallinum miðskeiðis í komandi viku, verður vitjanin av ongum á hesum sinni.

Fríðrikur kongur og Mary drotning skulu eftir ætlan vera í Føroyum frá 11. til 14. juni.

Tað eru í morgin 3 vikur, síðani verkfallið byrjaði. Hósdagin hittust verkafeløgini og Føroya Arbeiðsgevarafelag við Semingsstovninum, men semingsmaðurin metti tað ikki vera grundarlag fyri at fara undir semingsroynd tá.

Sum Kringvarpið skilir í dag, er onki hent millum partarnar síðani.

Er kopiera
Nýggjastu sendingar í ÚV
Týsdag 22. juli
Morgunlestur týsdagur 22. juli 2025
194833
Mánadag 21. juli
Poppverturin
194207
Nýggjastu sendingar í SV
Týsdag 22. juli
Veðrið
194844
Leygardag 19. juli
Video: 10 Mannafør á Vestanstevnu 2025
194738