Arbeiðarafeløgini mæla til at fara aftur til samráðingarborðið

Dagført kl. 16:10:

Semingsmaðurin hevur kallað umboð fyri partarnar í verkfalli á fund fyrrapartin í morgin.

Terje Sigurðsson váttar, at hann hevur kallað samráðingarleiðararnar á fund í morgin klokkan 10.

- Eg skal kunna meg um, hvørja støðu partarnir hava, og lodda dýpið, um viðurskifti broytast. Gera tey tað,  kunnu vit fara til veruligar samráðingar, sigur hann.

--------------

Verkfallið gongur á fjórðu viku, og arbeiðarafeløgini í verkfalli mæla nú til, at partarnir fara aftur til samráðingarborðið.

Feløgini vísa á, at semingsroyndin hjá Semingsstovninum hevur ikki borið á mál, og tí er brennandi spurningurin, um partarnir ikki sjálvir eiga at taka ábyrgd av sáttmálaøkinum og sessast aftur við borðið fyri at finna loysnir.

Krøvini hjá feløgunum í verkfalli eru óbroytt, men Jastrid Wolles Niclasen, forkvinna í Klaksvíkar arbeiðskvinnufelag, sigur, at í 2018 eydnaðist pørtunum sjálvum at finna eina loysn, og tað eigur at verða roynt aftur nú.

Hoyr samrøðu, sum Sigrún H. Brend gjørdi við Jastrid Wolles Niclasen:

Semingsmaðurin hevur kallað umboð fyri partarnar í verkfalli á fund fyrrapartin í morgin.

Terje Sigurðsson váttar, at hann hevur kallað samráðingarleiðararnar á fund í morgin klokkan 10.

- Eg skal kunna meg um, hvørja støðu partarnir hava, og lodda dýpið, um viðurskifti broytast. Gera tey tað, kunnu vit fara til veruligar samráðingar, sigur hann.