Semingsroyndin er byrjað

Semingsroyndin millum arbeiðarafeløgini í verkfalli og arbeiðsgevarafelagið er byrjað.

Í gjár boðaði Terje Sigurðsson, semingsmaður, frá, at nú var grundarlag fyri taka semingsroyndina við fakfeløgini í verkfalli og arbeiðsgevararnar uppaftur.

Avgjørt var at semingin skuldi byrja í morgin. Men stutt fyri nátturða í gjárkvøldið var semingsroyndin framskundað til í dag.

- Vit halda, at hetta skal gerast so skjótt sum til ber, segði Terje Sigurðsson í stuttari viðmerking við útvarpið í gjárkvøldið.

Hvussu leingi, semingsroyndin fer at vara, er ógreitt, men Terje Sigurðsson hevur sagt, at hann ætlar at sita við pørtunum, til tað røkkur ella støkkur.

Óhugsandi er ikki, at semingsroyndin eisini verður alt vikuskiftið.
 

Myndir: Bjarni Árting Rubeksen

Arbeiðarafeløg og semingsroynd

Arbeiðsgevarar og semingsroynd, Niels Winther

Arbeiðsgevarar og semingsroynd