Á Breddanum: Børn hjá útlendingum í Føroyum og valið til ES-tingið

10 av 17 næmingum, sum ganga í skúla í Føroyum, men hava útlendskt persónstal, fingu ikki prógv í 9. flokki saman við javnaldrunum í fjør.

Tað eru børn hjá foreldrum, sum eru komin higar at arbeiða. Eisini kann vera talan um børn, sum eru komin við einum foreldri, ið hevur fingið føroyskan maka. 

Trupulleikin er ofta, at børnini eru stór, tá tey koma til landið, og tey standa ikki próvtøku í donskum og føroyskum. 

Tí fáa tey eitt prógv, sum tey ikki kunnu brúka til at koma víðari í skúlaskipanini.

Er tilgongdin av útlendingum so stór, at vit ikki klára fylgja við, verður spurt í sendingini.

ES-tingið

Val til ES-tingið

Val er til ES-tingið í hesum døgum.

ES-borgarar vilja hava broytingar. Tað er ov torført at finna bústað, at finna gott arbeiði og at fáa almennar tænastur, t.d góðar heilsutænastur, ljóðar úr fleiri ES-londum. 

Samstundis vilja nógv minka talið á teimum, sum koma til ES úr øðrum londum, og vilja hava ein annan politikk á umhvørvis- og orkuøkinum. 

Tí er líkt til, at valið til ES-tingið hesa ferð fer at hava við sær, at snarað verður til høgru.

Breddin í útvarpinum klokkan 10.

Sendingin verður stroymd her.