Stendur mitt í kirkjuni

- Mær dámar væl at siga, at eg standi mitt í kirkjuni, í og við tað, sum kirkjan stendur fyri og tað grundarlag sum kirkjan byggir á, so síggi eg meg sjálvan sum ein klassiskan prest sum stendur mitt á kirkjunnar grund. So kann man altíð royna at koyra prest út á hendan ella handa veingin, sigur Øssur Kjølbro.

Øssur fór niður at lesa gudfrøði í 1994 og kom heimaftur í 2003. Hann hevur virkað sum prestur í ymiskum kirkjum í Føroyum og hevur verið aðalskrivari í Kirkjuligu Heimamissiónini í 10 ár.

Øssur Kjølbro, prestur

Øssur hevur virkað sum prestur í Christianskirkjuni fyrr, men tekur nú við sum fastur sóknarprestur í Norðoya vestara prestagjaldi. Mynd: Báður Lydersen

- Líka síðan eg fór at lesa gudfrøði, hevur júst hetta prestastarvið verið mítt mál, sigur Øssur.

Øssur Kjølbro tekur við sum sóknarprestur í Norðoya vestara prestagjaldi sunnudagin. Gudstænastan verður útvarpað beinleiðis.

Lurta eftir samrøðuni við Øssur Kjølbro.

Christianskirkjan

Norðoya vestara prestagjald fevnir um kirkjurnar í Kalsoy, Kunoy, Árnafjørð og Christianskirkjuna í Klaksvík (Mynd Bárður Lydersen)