Tvær føroyskar stjørnur hittast á summarhitti

Guðrið Hansdóttir og Heiðrikur á Heygum eru tvey av okkara fremstu tónlistafólkum. 

Men hóast Guðrið og Heiðrikur hava samstarvað í 20 ár í ymiskum samanhangum, eitt nú um myndlist og sjónbandaløg, so er sangurin "Setandi sól" fyrstu ferð nakrantíð, at tey bæði geva ein sang út saman. 

Tú kanst sostatt siga, at tvær stjørnur loksins hittast á "Setandi sól". 

Setandi sól, Guðrið Hansdóttir, Heiðrikur á Heygum

Dansivinarligt summarhitt

”Setandi sól” er ein dansivinarligur summarsangur, ið snýr seg um eitt par, sum hevur avgjørt at leggja allar teirra trupulleikar og sorgir aftan fyri seg og byrja av nýggjum, tá sólin rísur.

Heiðrikur á Heygum og Guðrið Hansdóttir hava skrivað orð og lag. Upptøkurnar eru gjørdar í Hoydølum av Heðini Ziska Davidsen og Per I. Højgaard Petersen, ið eisini hava framleitt.

Eingin tónleikur frá Heiðriki á Heygum uttan eitt sjónbandalag, ið hann sjálvur hevur leikstjórað og framleitt, og sum Gweneal Helmsdal Carré hevur filmað.