266b: Ákærdur fyri at hava skrivað niðrandi um samkynd

266b: Ákærdur fyri at hava skrivað niðrandi um samkynd
Maðurin játtar seg sekan
Ein 58 ára gamal maður er ákærdur eftir grein 266b, tí hann 9. november í 2022 skrivaði niðrandi um samkynd á Vágaportalinum. (Savnsmynd)
 
17.06.2024 - 08:54

Í morgin er eitt revsimál um grein 266b í rættarlistanum hjá Føroya rætti.

Ein 58 ára gamal maður er ákærdur, tí hann 9. november í 2022 skrivaði niðrandi um samkynd á Vágaportalinum.

Maðurin játtar seg sekan.

Nógv rok var í Føroyum, tá løgtingið í 2006 koyrdi kynsligan samleika upp í 266b.

 

Ákæruvaldið krevur sekt

Men síðani tá er lógargreinin sera sjáldan brúkt í rættarmálum. Hon er bara brúkt tvær ella tríggjar ferðir. 

Grein 266b í revsilógini sigur, at tann, sum alment ella við størri útbreiðslu í hyggju setir fram útsøgn ella boðskap, ið hóttir, spottar ella eyðmýkir persónsbólk orsakað av rasu, húðarliti, tjóðskaparligum ella etniskum uppruna, trúgv, kynsligum samleika ella breki, verður revsaður við sekt ella fongsli í upp til tvey ár.

Kravið hjá ákæruvaldinum í morgin verður sekt. 

Er kopiera
Nýggjastu sendingar í ÚV
Hósdag 18. juli
Morgunlestur hósdagur 18. juli 2024
177836
Mikudag 17. juli
Morgunlestur mikudagur 17. juli 2024
177835
Týsdag 16. juli
Morgunlestur týsdagur 16. juli 2024
177834
Mánadag 15. juli
Biltúrurin 5: Koyrt verður í Havn
176612
Nýggjastu sendingar í SV
Týsdag 16. juli
Veðrið
178118
Mánadag 15. juli
Hin rusuti á Aconcagua (3:10)
177771
Leygardag 13. juli
Føroyar - Montenegro (2-1)
178016
Leygardag 13. juli
Landsdystur: Føroyar - Montenegro
178015