![](https://kvf.fo/sites/default/files/styles/myndasavn-width/public/vlcsnap-2024-03-22-09h02m15s718.png?itok=YunwPsap)
- Tíðindi, mentan og ítróttur
Marjun Hanusardóttir í nevndina í Føroya Banka
![](https://kvf.fo/sites/default/files/styles/grein-ovasta-mynd/public/5f07fafa7321afeee286d67dfbf29d22.png?itok=ab8bGXeX)
Í dag verður Marjun Hanusardóttir vald í nevndina hjá Føroya Banka.
Føroya Banki hevur boðað til eykaaðalfundar í dag.
Í fundarboðunum verður sagt, at Marjun Eystberg hevur biðið um at sleppa úr nevndini.
Marjun Eystberg var vald í nevndina á aðalfundinum 21. mars í ár.
Í hennara stað verður skotið upp at velja Marjuna Hanusardóttur. Hon var løgmansstjóri frá 1996 til 2021, tá hon fór frá fyri aldur.
Birgir Durhuus hevur verið nevndarformaður í Føroya Banka síðani aðalfundin í mars.
Stórar broytingar
Stórar broytingar vóru í nevndini í Føroya Banka á aðalfundinum í mars.
Birgir Durhuus er nú formaður, Annfinn Vitalis Hansen, næstformaður, og hini í nevndini eru Kristian Reinert Davidsen, Árni Tór Rasmussen, Tom Ahrenst og Marjun Eystberg, sum nú fer úr nevndini.
Starvsfólkavaldu nevndarumboðini í Føroya Banka eru Kenneth Samuelsen, Rúna Hentze og Alexandur Johansen.
Marjun Hanusardóttir verður í fyrstu atløgu vald í nevndina til aðalfundin næsta ár.