Semingsstovnurin hittir FSN og Lønardeildina í dag

Í dag klokkan eitt hittast Semingsstovurnin, Lønardeildin og Skipara- og navigatørfelagið á samráðingarfundi. 

Samráðingar eru um skipini hjá landinum.

Maskinmeistarafelagið og Lønardeildin hjá Fíggjarmálaráðnum gjørdu nýggjan sáttmála týsdagin.

Semjan um Strandfaraskip landsins gevur lønarhækking, sum er 3,8 prosent fyrsta árið, 4,2 prosent annað árið og 4,45 prosent triðja árið. 

Semjan um havrannsóknarskipið Jákup Sverra er tann sama, tó eru prosentini 4,75 prosent triðja árið. 

Sáttmálin er bara galdandi í hálvt annað ár aftat, tí gamli sáttmálin gekk út 1. oktober í 2022. 

Tað sama er at siga um sáttmálan hjá Skipara- og navigatørfelagnum.